Curiosidades
– O emperador Claudio, sucesor de Calígula, foi asasinado pola súa esposa Agripina, quen lle deu de comer Amanita phalloides.
– Os fungos son uns seres vivos que non pertencen ó reino vexetal, forman un reino propio xunto ó das plantas, animais, moneras (bacterias) e protistas (protozoos).
– A palabra fungo vén do latín Fungus, que procede da palabra Funus e ago, que significa “portador da morte”.
– Salvando as diferencias, cando falamos dun fungo podémolo comparar cunha maceira e o cogomelo cunha mazá.
O Lactarius deliciosus (Níscalo) contén unha substancia que lle dá unha cor vermella ós ouriños.
– O cogomelo e o órgano reprodutor do fungo.
– Un fungo só se pode identificar polo seu corpo frutífero: o cogomelo.
– Sábese do coñecemento e uso dos fungos dende as culturas máis antigas. Os maias, por exemplo, utilizábanos polos efectos alucinóxenos dalguhas especies.
– A penicilina descubriuna Fleming estudando fungos do xénero Penicillium.
– O ser vivo máis grande que existe é un fungo localizado en Estados Unidos, concretamente en Oregón, no Parque Nacional de Blue Mountains. Trátase dun exemplar de Armillaria ostoyae que abarca unha superficie de 890 hectáreas e ten 2.800 anos.
– Os antigos gregos xa cultivaban fungos de forma artificial, enterraban esterco de equino debaixo das figueiras e regábanos abundantemente.
– Algúns fungos utilízanse para elaborar pan, viño ou cervexa, pero tamén antibióticos, vitaminas, ácidos orgánicos e outros produtos alimentarios e farmacéuticos.
FAMOSOS ENVELENADOS POR COMER COGOMELOS
Ó largo da historia varias personaxes sufriron intoxicacións accidentais ou por complot por inxerir cogomelos tóxicos.
O Emperador Romano Claudio
54 d.c., a lenda di que morreu envelenado por cogomelos. Culpouse á emperatriz Agripina que pretendía que o seu fillo Nerón herdase o trono en lugar de Británico, que era a primeira opción do emperador de Roma. Por orden de Agripina, Locusta, unha escrava moi hábil nas artes do preparado de brebaxes mediante cogomelos velenosos, sazonou convenientemente o prato de cogomelos favorito de Claudio.
Jenofonte, médico de Claudio, non está libre de toda sospeita. Inicialmente Claudio librouse gracias a unha oportuna diarrea, Tácito afirma que Jenofonte coordinado con Agripina, “introduciulle na gorxa unha pluma untada de mortal veleno”. O obxectivo era provocar o vómito rozando a úvula, pero neste caso foi o que rematou coa vida do emperador.
– Muller e Fillos de Eurípide
Eurípides perdeu unha das súas mulleres, o seu fillo e fillas por un prato de cogomelos velenosos.
Británico, fillo do emperador Claudio
Segundo Tácito, Nerón é responsable do envelenamento de Británico , utilizando o mesmo método que con Claudio. Británico, á idade de 14 anos, foi envelenado con cogomelos durante unha cea á que asistiron súa irmá Claudia Octavia e súa madrastra Agripina.
O Papa Clemente VII
1534, o Papa Clemente VII era un grande afeccionado dos cogomelos, un auténtico gourmet. Parece ser que tiña por costume tomar un prato diario.
San Carlos Borromeo e o seu curmán Federico, Arcebispo de Milán
Tsar Alex Mijailovich
O tsar de Rusia, Alex Mijailovich, morreu por culpa dos cogomelos en 1676.
Carlos VI
Carlos VI do Sacro Imperio Romano Xermánico , morreu a causa dunha intoxicación alimentaria por cogomelos, probablemente por Amanita phalloides.
Buda
486 a.C, Buda morreu ós 80 anos envelenado por comer un prato de cogomelos. A intoxicación produciulle vómitos, hemorraxias e grandes dores antes de finar.
O micólogo alemán Julius Schaeffer.
A viúva do Tsar Alexis
