A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
004-festa
23 de marzo de 1966 cortesía | Basilio Quintáns aparece | Bar Xallas. Entre os personaxes da foto están: o fillo de Juan da Luz, Moncho de Raso, Paco do Sótano, Manolo da Croca, Pepe de Capeáns, o practicante do Cubelo, O Raiano, Ángel de Basilio, Che de Cuña, Pepe de Moncho, Basilio, Manolito Mouro, Gilá, Ico do Rebeirán e Suso Sumara.