A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
008-mozas
1960 aproximadamente cortesía | Basilio Quintáns aparece | De pé, de esquerda a dereita: Rosita de Lamas, M.ª Estrella da Renfe, Teresa de Camilo, Chicha do Rebeirán, Mucha de Basilio, Maruja de Luísa e Isabel de M.ª de Rosa. Sentadas de esquerda a dereita: as tres seguintes son Lola da Carpinteira, Marisa de Capeáns, Pilucha de Fachal. As catro primeiras, a pesar de consultar con numerosas persoas e con case todas as que están na fotografía, non foi posible identificalas.