A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
011-chicho-da-costa
Ente 1960 e 1965 aproximadamente cortesía | Chicho da Costa aparece | Chicho da Costa, Pepe do Lavano, Pancho de Ordóñez e José Manuel Arufe disfrazados de mexicanos nas festas da Pascua de Padrón. Segundo se entende do letreiro situado no lado superior dereito, a foto custou 15 pesetas.