A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
026-visita-gobernador
9 de setembro de 1974 cortesía | Moncho de Raso aparece | De esquerda a dereita: Juan de Guisande, Moncho de Raso, O Raposo, Gonzalo, Adrián Gómez de Muxía e Pancho de Ordóñez de Manolo de Capeáns, no bar que este último rexentaba, celebran cunha botella de Marqués de Vizhoja a visita do Gobernador Civil da Provincia a Santa Comba, durante a cal, o médico Atomé (caricaturista) lle entregou un cadro cunha caricatura.