A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
137-benigno-da-trita
1956. A foto ten por detrás as datas de 15 de marzo de 1956 e 11 de marzo de 1956 cortesía | Benigno da Trita aparece | De pé, de esquerda a dereita: Ricardo da Croca, Lola da Costa, Paz de Raso, Pilucha de Fachal, Paco Durán e Pin das Marianas. Agachados de esquerda a dereita: Chicho da Costa e Carlos de Arturo. A foto está sacada na zona descuberta da Pista Jallas, diante da Cantina. Por detrás, a foto está asinada por Felipe Lojo Gerpe (Pin das Marianas) co seguinte texto: “A mi querido papá y hermano con todo cariño de su hijo que le quiere y no le olvidará”.