A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
197-suso-blanco
entre 1956 e 1958 cortesía | Suso Blanco aparece | De pé, de esquerda a dereita: María de Blanco, María de Salomón, Carmen da Pata, a Rabela, Lola da Daniela, o seu fillo Antonio e Josefina de Berdullas. O outro neno que está con Lola da Daniela é o seu fillo Manolo. Das nenas que están sentadas, a segunda da esquerda (só a cara) é Pili da Panadería de Mourelle. Das sentadas no chan, de esquerda a dereita só están identificadas: a primeira é Obdulia da Rabela, a segunda Mercedes do Cajito e a quinta Lola de Josefina de Berdullas.