A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
202-pepe-de-ser
1972 aproximadamente cortesía | Pepe, o electricista de Ser aparece | Primeira fila, de esquerda a dereita: fillo de Soledad do Coxo, un sobriño de Turnes de Salgueiroas e un irmán de Paredes do Hotel Xallas. Segunda fila: Marcial de Pazos, Moncho dos aluminios (media cara), Chucho da Ferralleira e Barreiro do Gaiteiro. Ó seu lado, de costas: Santiago Pérez. Terceira fila: Antonio do Galantiño, José de Louzán, Turnes e o neno fillo de Antonio de Galatiño. Na cuarta fila, identifícase a D. Elías o cura de Ser e a Dolores da Gavilana.