A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
038-casa-da-saturna
entre 1965 e 1967 cortesía | Casa da Saturna aparece | Pola esquerda: Pepe da Saturna, José Ramón de Luísa e Maximino (Buenos Aires). No centro: Pepita da Costa, Sofía Ordóñez das Travesas e a muller de Celso. Pola dereita: Marisa de Arosa (media cara), Pepe de Capeáns, Teresa de Camilo, Pancho de Ordóñez, Luisíta de José Ramón, Chicho da Costa, Fina de Camilo, sogra de Juan de Granitos e Lolita de Cecilio