A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
039-moncho-de-raso
1964 - 1965 aproximadamente cortesía | M.ª Carmen de Óscar aparece | De esquerda a dereita: Óscar, Fina de Óscar, Consuelo do Sico, Benigno da Trita, Carmen do Cacho, Avelina do Fogueteiro, Maruja do Castrixeiro (muller de Vavá), Matilde de Alisandro (atrás de pé), Maruja de Aquilo, Paco de Pilara, Aquilino, Vavá, Digna e Juan de Ferreiro do Couto, Manuel de Carmucha, Carmucha de Alisandro e Florinda de Casimiro.