A nosa vida social réxese por unhas normas non escritas, pero por todo o mundo coñecidas, e que no caso dos pobos pequenos, en tempos pasados, baseábase nuns costumes e actos sociais ós que todo o pobo asistía e onde todos se coñecían. A forma de vida de antano, as difíciles comunicacións e os escasos vehículos facían que a participación nas mesmas, por parte de foráneos, se reducira ós que, por un ou outro motivo, estaban obrigados de desprazarse e establecerse en Santa Comba, onde moitos deles, posteriormente, botarían raíces. Xeralmente era persoal cualificado, sacerdotes, persoal da cámara agraria, enxeñeiros da mina, mestres ou persoal sanitario que vivían de fonda na “Casa de Capeáns” ou na de “Ordóñez”.
160-benigno-da-trita
1950 - 1955 cortesía | Benigno da Trita aparece | De esquerda a dereita, na parte de diante: Fina do Cacho, Maruchi do Habilitado, Carlos do Pardelo, a muller de Andrés do Pardelo, Andrés do Pardelo, Fina das Marianas, Lema do Catadoiro e Pepe das Marianas. O neno está sen identificar. Na esquerda, na parte de atrás, Manolo do Ferreiro de Sta. Catalina, o que se lle ve media cara, está sen identificar, Calixto e Che de Maroñas.